Bydd y gweithdy hwn o ddiddordeb i staff sy’n dymuno archwilio dulliau o ymdrin â sgiliau astudio, a’r posibiliadau o integreiddio a chyflwyno elfennau o sgiliau astudio i mewn i raglenni/modiwlau/cyrsiau academaidd. Cyflwynydd: Dr Leila Griffiths Mae Leila Griffiths yn Gynghorwr Astudio yng Nghanolfan Sgiliau Astudio, Prifysgol Bangor, ac yn rhinwedd ei swydd mae wedi bod yn gweithio fel rhan o dîm sy’n anelu at gynorthwyo israddedigion a myfyrwyr ôl-radd yn ystod y broses o bontio i Brifysgol a symud ymlaen trwyddi. Gweithia’r Ganolfan yn agos gydag adrannau academaidd i gefnogi ac ategu’r ddarpariaeth bwnc benodol o fewn y disgyblaethau, ac i ledaenu arferion gorau. Mae gan Leila brofiad o gydweithio’n agos gyda staff mewn nifer o wahanol adrannau academaidd ym maes datblygu dysgu ac addysgu. Amcanion y gweithdy Datblygu ymwybyddiaeth o ddulliau o ymdrin â sgiliau astudio ar lefel pynciol; Rhannu arferion gorau mewn perthynas ag ysgolion academaidd ym maes sgiliau astudio; Archwilio’r posibiliadau o gyflwyno sgiliau astudio fel elfen integredig o fodiwl neu gwrs academaidd. Deilliannau Dysgu Cyflwyno agweddau ar sgiliau astudio ar lefel pynciol i fyfyrwyr (gan sicrhau fod y ddarpariaeth sgiliau astudio a gynigir gan yr ysgol yn berthnasol i astudiaethau pwnc benodol eu myfyrwyr); Adnabod arferion gorau ym maes sgiliau astudio wrth gynllunio modiwlau/cyrsiau; Bod yn ymwybodol o fodelau a dulliau o gyflwyno sgiliau astudio o fewn modiwlau/cyrsiau.
Ymgorffori sgiliau astudio mewn addysgu
Gwerddon Fach ar Golwg360
Enillydd Adnodd Cyfrwng Cymraeg 2020 (gwobrau Darlithwyr Cysylltiol y Coleg Cymraeg Cenedlaethol). Mae Gwerddon Fach yn cyhoeddi erthyglau academaidd byrion i roi blas i gynulleidfa eang o’r ymchwil ddiweddaraf gan academyddion blaenllaw o Gymru a thu hwnt Yn ogystal â chyhoeddi fersiynau poblogaidd o erthyglau hirach sy’n cael eu cyhoeddi yn e-gyfnodolyn Gwerddon ei hun, mae croeso i bobl gyfrannu erthyglau byrion oddeutu 600 – 1,000 o eiriau am unrhyw ymchwil sydd o ddiddordeb i gynulleidfa ehangach – boed yn adroddiad ar eu gwaith ymchwil diweddaraf nhw a’u cydweithwyr, yn ymateb i ddarganfyddiadau o bwys neu drafodaethau polisi cyhoeddus a materion cyfoes, yn adroddiad ar drafodion cynhadledd academaidd, neu’n gyflwyniad syml i bynciau ymchwil dyrys. Os oes gennych ddiddordeb mewn cyfrannu erthygl, cysylltwch â Dr Hywel Griffiths, Is-olygydd Gwerddon: hmg@aber.ac.uk. Teitlau erthyglau Gwerddon fach: Atgofion o'r atgofion: Yn eu Geiriau eu Hunain 25 mlynedd yn ddiweddarach Sepsis; ei erwindeb a’r angen am ddatblygiadau cyflym Cyfleoedd i blant awtistig – mewn dwy iaith Capel Sion, Ponthir, a chofio’r Rhyfel Mawr Cysgod y Gymraeg dros Westeros Economi: y llaw amlwg nid y llaw gudd Iechyd meddwl a’r Gymraeg – mae’n amser deffro Gwynt yr haul – datguddio rysáit ar gyfer tyrfedd magnetig Egwyddor a phropaganda: cyfundrefn Franco a Chôr y Rhos Golau Byw Enwau Prydeinig Gwyn? Beth am enwau Cymraeg? Negeseuon o Wlad yr Addewid MONOPOLI – Defnyddio mathemateg i ennill Mae angen dŵr a haul i dyfu: tlodi addysg wledig yng Nghymru Llaeth a chig – datrys problemau’r diwydiant ar draws y byd Darllen yn rhugl – seiliau seicolegol Cenedlaetholdeb ar y cae
Fideos Gloywi Iaith
Yma cewch gyflwyniadau gloywi iaith gan rai o diwtoriaid y Dystysgrif Sgiliau Iaith. Mae'r fideos yn esbonio rhai materion a all beri anhawster wrth ysgrifennu’n Gymraeg. Mae'r fideos yn ffocysu ar y canlynol: Arddodiaid Berfau Cyffredin Camgymeriadau Treiglo Cyffredin Cymryd Defnyddio Bo Defnyddio Bod Defnyddio'r Arddodiaid Dyfodol Cryno Berfau Afreolaidd Dyfodol Cryno Berfau Rheolaidd Dyfodol Cryno Rheoliadd y gair BOD Rhagenw Dibynnol Blaen Roeddwn i Rydw i Treiglo ar ôl Rhifau Treiglo Gwrthrych y Ferf Treiglo ar ôl Arddodiaid Y Goddefol Y Treiglad Llaes Yr Amhersonol Rheolaidd Yr Amodol
Canllaw Google Classroom
Canllaw ar defnydd Google Classroom a Google for Education a gynhyrchwyd gan Grŵp Llandrillo Menai. Mae'r canllaw yn cynnwys cyflwyniadau a dogfennau gan gynnwys: Ychwanegu Adnoddau Tab Classwork Aseiniadau Cofrestru Dysgwyr Cyfathrebu ar Course Stream Creu Dosbarth Google Classroom Cwis Aseiniadau Canllawiau i Ddysgwyr ar Google Meet a Google Hangout Google Hangout Goole Meet - Defnyddio 'Grid View'
Gwefannau cymdeithasol ar gyfer addysgu: Facebook, Instagram, Snapchat, Tik Tok, Twitter a YouTube
Cyflwynir y gweithdy gan Dr Ifan Morgan Jones a Dr Cynog Prys. Bydd y gweithdy hwn o ddiddordeb i unrhyw un sydd am ddefnyddio rhwydweithiau cymdeithasol er mwyn ategu eu haddysgu a’u gwaith ymchwil. Mae'r adnodd yn cynnwys tri chyflwyniad: · Cyflwyniad 1 - Facebook · Cyflwyniad 2 - Instagram, Snapchat a Tik Tok · Cyflwyniad 3 - Twitter a YouTube Ceir gwybodaeth bellach am y cyflwynwyr ynghyd a disgrifiad llawn o’r adnodd yma.
Ymchwil a’r REF (Fframwaith Rhagoriaeth Ymchwil)
Bwriedir yr hyfforddiant hwn ar gyfer academyddion gyrfa gynnar a myfyrwyr ymchwil. Bydd yr adnodd yn cynnig trosolwg llawn o’r REF (Fframwaith Rhagoriaeth Ymchwil) mewn cyd-destun Cymreig. Cyflwynir yr adnodd gan yr Athro Delyth James. Cyfeirir yn benodol at REF 2021, a bydd y 6 gweithdy sy’n rhan o’r adnodd yn mynd i’r afael â’r isod: Beth yw REF? – Trosolwg Pa academyddion a gynhwysir yn y REF? Unedau Asesu Allbynnau Ymchwil (ansawdd a nifer) Achosion Effaith (Impact Cases) Datganiad Amgylchedd Sut mae REF yn ymwneud â myfyrwyr PhD ac ymchwilwyr gyrfa cynnar? Crynodeb o'r goblygiadau i ymchwilwyr yn y Gymraeg
Gwobr Adnodd Cyfrwng Cymraeg 2020
Dyfernir y wobr hon er mwyn cydnabod unigolyn neu unigolion sydd wedi arwain ar greu adnodd cyfrwng Cymraeg sy’n rhagorol ac o ansawdd uchel sy’n cefnogi’r myfyrwyr yn eu hastudiaethau. Enillwyr: Dr Anwen Jones a Dr Hywel Griffiths, Prifysgol Aberystwyth - Gwerddon Fach Dr Marie Busfield, Dr Hywel Griffiths, Dr Cerys Jones, Yr Athro Rhys Jones a Dr Rhys Dafydd Jones, Prifysgol Aberystwyth - Gwerslyfr Daearyddiaeth Rhestr Fer: Rhian Jardine, Prifysgol Caerdydd - Adnoddau Newyddiadurol Dr Anwen Jones a Dr Hywel Griffiths, Prifysgol Aberystwyth - Gwerddon Fach Dr Marie Busfield, Dr Hywel Griffiths, Dr Cerys Jones, Yr Athro Rhys Jones a Dr Rhys Dafydd Jones, Prifysgol Aberystwyth - Gwerslyfr Daearyddiaeth Dyfernir gwobrau ar gyfer y darlithwyr cysylltiol yn flynyddol gan y Coleg Cymraeg Cenedlaethol. Mae’r gwobrau yn cydnabod cyfraniad a rhagoriaeth y darlithwyr cysylltiol mewn Addysg Uwch ac Addysg Bellach cyfrwng Cymraeg. Ar gyfer 2020, mae'r Coleg wedi gwahodd enwebiadau ar gyfer 3 gwobr sef: Arloesi ar draws ffiniau Adnodd cyfrwng Cymraeg Hwyluso addysg cyfrwng Cymraeg Am fwy o wybodaeth am y gwobrau, ewch i'r adran newyddion ar wefan y Coleg Cymraeg Cendlaethol.
Adnoddau Adolygu Seicoleg Lefel A
Ar y dudalen we hon ceir adnoddau ar gyfer adolygu Seicoleg Lefel A. Mae'r adnoddau'n cynnwys posteri sy’n crynhoi astudiaethau a phecynnau adolygu dulliau ymchwil. Datblygwyd yr adnoddau gan Ysgol Seicoleg, Prifysgol Bangor.
Gohebu ar ..... Y Newyddion
Dyma wefan rhyngweithiol sy'n gyflwyniad i ysgrifennu newyddiadurol. Mae'r adnodd ar gyfer myfyrwyr newyddiaduraeth ac unrhyw un sydd â diddordeb mewn ysgrifennu stori dda. Mae yma ganllaw ar sut i ysgrifennu ar gyfer papurau newydd, radio, teledu, ar-lein ac ar gyfer y cyfryngau cymdeithasol yn ogystal â chyflwyniad i'r hyn sy'n dylanwadu ar benderfyniadau golygyddol newyddiadurwyr a'u golygyddion. Mae'n cynnwys fideos, cwis ac ymarferion ar-lein. Mae'r adnodd yma yn un o dri a chyrhaeddodd y rhestr fer yn 2020 ar gyfer gwobrau'r Coleg Cymraeg Cenedlaethol am greu Adnodd Cyfrwng Cymraeg.
Porth Adnoddau: Beth yw e? Sut i ychwanegu adnodd newydd?
Mae gwefan y Porth Adnoddau yn cynnig un lle canolog i rannu ystod eang o adnoddau cyfrwng Cymraeg ar gyfer y sectorau Ôl-16 a Galwedigaethol ac Addysg Uwch. Isod, ceir fideos yn cyflwyno beth yw'r Porth a sut i'w ddefnyddio. Ceir hefyd ddolen i ffurflen ar gyfer ychwanegu adnodd newydd i'r Porth a chanllawiau manwl ar sut i'w llenwi.
Mathemateg â Swigod
Mae’r wefan yma’n cynnwys cyflwyniad ar sut y gellir defnyddio swigod er mwyn datrys problem fathemategol mewn optimeiddiaeth, a adnabyddir fel Problem Steiner. Yn y broblem hon, y nod yw ceisio darganfod y ffordd byrraf o gysylltu n pwynt (all ddynodi dinasoedd neu drefi er enghraifft) ar y plân gyda’i gilydd. Er mwyn datrys y broblem yma, byddwn yn gwneud cysylltiadau â’r broblem o ddarganfod arwynebau minimol (e.e. gan ddefnyddio swigod). Mae’r wefan yn cynnwys dau set o ymarferion, y naill wedi’i anelu at ddysgwyr ym mlynyddoedd 10-11 a’r llall yn addas ar gyfer dysgwyr ym mlynyddoedd 12-13. Mae’r set cyntaf o ymarferion yn cynnwys cyfrifiadau geometreg (ac yn bennaf trigonometreg), tra bod yr ail set hefyd yn cynnwys problemau sy’n ymwneud â darganfod terfannau a differu.
Tiwtorial recordio Powerpoint â throslais
Dyma weithdy byr sy’n dangos sut mae mynd ati i ddefnyddio PowerPoint i recordio troslais a llun fideo ar gyfer cyflwyniadau a sesiynau hyfforddi.