Mae’r datganiad hygyrchedd hwn yn berthnasol i wefan y Porth Adnoddau (www.porth.ac.uk). Mae’r wefan hon yn cael ei chynnal gan y Coleg Cymraeg Cenedlaethol. Rydym yn dymuno i gynifer o bobl â phosibl allu defnyddio’r wefan a’r adnoddau sy’n cael eu rhannu arni, mor hwylus â phosib yn unol â Rheoliadau Hygyrchedd Cyrff Sector Cyhoeddus (Gwefannau ac Apiau Symudol) (Rhif 2) 2018.
Datganiad cydymffurfio
Mae Canllawiau Hygyrchedd Cynnwys y We (WCAG) yn galluogi datblygwyr a darparwyr gwefannau i ddatblygu cynnwys sy’n fwy hygyrch i bobl ag anableddau neu anghenion amrywiol.
Mae’r Coleg Cymraeg Cenedlaethol yn anelu at gydymffurfio â safon AA Canllawiau Hygyrchedd Cynnwys y We fersiwn 2.1. (WCAG 2.1). Serch hynny, rydym yn ymwybodol nad yw pob adnodd sy’n cael ei rannu ar wefan y Porth yn cyrraedd y safonau disgwyliedig (gweler datganiadau penodol am yr adnoddau islaw).
Mae gwefan www.porth.ac.uk felly yn cydymffurfio’n rhannol â WCAG 2.1 lefel AA. Mae hyn yn golygu nad yw rhannau o’r cynnwys yn cydymffurfio’n llawn â’r safonau hygyrchedd.
Defnyddio’r wefan
Rydyn ni am i gynifer o bobl â phosib allu defnyddio’r wefan hon ynghyd â’r adnoddau cysylltiedig. Er enghraifft, mae hyn yn golygu y dylech allu:
• Newid lliwiau, lefelau cyferbyniad a ffontiau gan ddefnyddio offer yn y porwr
• Chwyddo'r testun hyd at 300% heb iddo lithro oddi ar y sgrin
• Llywio’r rhan fwyaf o’r wefan trwy ddefnyddio’r bysellfwrdd
• Llywio’r rhan fwyaf o’r wefan trwy ddefnyddio meddalwedd adnabod llais
• Gwrando ar y rhan fwyaf o’r wefan trwy ddefnyddio darllenydd sgrîn
Hygyrchedd y wefan hon
Rydym yn gwybod nad yw pob rhan o’r wefan yn gwbl hygyrch:
• Mae testun yn ymddangos ar ddelweddau’r adnoddau ond rydym yn darparu testun amgen i gyd-fynd â phob un.
• Nid yw cyferbyniad lliw pob eicon o hyd yn ddigonol.
• Nid yw rhannau o gynnwys o fewn pecynnau SCORM yn cydymffurfio’n llawn e.e. ceir troslais heb gapsiynau ar adegau.
• Cynnwys hanesyddol – lle mae’r cynnwys yn berthnasol o hyd ac yn werth i’w rannu ond gwyddom nad yw’r fformat efallai yn hollol hygyrch bob tro.
Hygyrchedd Adnoddau
Mae adnoddau sy’n cael eu rhannu ar y wefan hon yn cael eu creu gan ystod eang o gyfranogwyr. Mae’r adnoddau yn disgyn i’r categorïau canlynol:
• Adnoddau wedi eu comisiynu’n uniongyrchol gan y Coleg Cymraeg
Wrth gaffael cwmnïau/unigolion allanol i greu adnoddau penodol ar ein rhan, rydym ni’n gosod ein disgwyliadau o ran cydymffurfio ag WCAG 2.1 o fewn ein cytundebau. Pan nad oes modd creu darnau o gynnwys digidol yn hollol hygyrch, rydym yn ceisio mynd i'r afael â hyn drwy ddarparu fersiynau amgen o’r cynnwys e.e. fersiwn Word hygyrch o’r testun.
• Adnoddau sydd wedi eu cyllido gan y Coleg e.e. drwy gronfa grantiau bach
Mae’r Coleg yn ariannu nifer o brosiectau i gyfoethogi darpariaeth cyfrwng Cymraeg o fewn prifysgolion, colegau a darparwyr prentisiaethau. Wrth gefnogi ceisiadau sy’n arwain at adnoddau digidol, mae’r Coleg yn nodi’n glir y cyfrifoldeb sydd arnynt i greu adnoddau sy’n cydymffurfio ag WCAG 2.1 Lefel AA.
• Adnoddau/gwefannau sefydliadau a chwmnïau allanol
Ar adegau, rydym yn rhannu dolenni at gynnwys neu wefannau gan sefydliadau/gwmnïau allanol. Fel arfer, rydym wedi derbyn cais gan ddarlithydd neu arbenigwr pwnc i gynnwys y dolenni ar ein gwefan. Does gan y Coleg Cymraeg Cenedlaethol ddim rheolaeth dros y cynnwys hwn. Os ydych yn dod ar draws unrhyw anawsterau, gallwch roi gwybod i ni fel bod modd i ni eu hysbysebu ohonynt.
Cyfyngiadau
Er gwaethaf ein hymdrechion gorau i sicrhau hygyrchedd ein gwefan ac adnoddau e-ddysgu cysylltiedig, efallai y bydd rhai cyfyngiadau. Ceir disgrifiad islaw o gyfyngiadau hysbys. Cysylltwch â ni os gwelwch rywbeth nad yw wedi'i restru isod.
Cyfyngiadau hygyrchedd hysbys:
• Fideos byr heb gapsiynau
• Trosleisio heb gapsiynau o fewn pecynnau rhyngweithiol
• Hen ddogfennau Word neu PDF anhygyrch
• Adnoddau gan sefydliadau eraill
Baich anghymesur
• Recordiadau o sesiynau neu weithdai byw a gynhaliwyd ar lein. Rydym wedi asesu’r gost sy’n gysylltiedig â darparu capsiynau ar gyfer recordiadau o’r fath ac wedi penderfynu y byddai hyn yn faich anghymesur o fewn ystyr y rheoliadau hygyrchedd.
• Adnoddau hanesyddol. Bydd nifer o achosion o adnoddau a ddatblygwyd cyn i’r Coleg ymrwymo i anelu at gyrraedd safon AA WCAG 2.1 wrth ddatblygu ac ariannu adnoddau. Rydym yn ymwybodol o’r diffygion ac wedi penderfynu y byddai diweddaru’r holl gynnwys hanesyddol yn faich anghymesur.
Rhoi gwybod am broblemau hygyrchedd
Wrth greu unrhyw gynnwys neu adnodd o’r newydd, mae’r Coleg Cymraeg wedi ymrwymo i’w ddatblygu mewn fformat sydd mor hygyrch â phosib o fewn yr adnoddau sydd ar gael. Ar gyfer y mathau o gyfyngiadau sydd wedi eu nodi uchod, mae modd gwneud cais am fersiynau amgen.
Gallwch ein hysbysu ni o unrhyw anawsterau neu wneud cais am fersiynau amgen trwy gwybodaeth@colegcymraeg.ac.uk.