Adnodd i ddysgwyr Cyfnod Allweddol 3 ddarganfod mwy am yrfa yn y sector gofal cymdeithasol (blynyddoedd cynnar). Bydd dysgwyr yn gallu gwylio gweminar ac yn cwblhau llyfr gwaith

Arddangosfa arbrofol yw 'Golwg ar Gelf' sy'n gyfle i fyfyrwyr cyfrwng Cymraeg, sydd yn astudio ar draws meysydd Celf a Dylunio, rannu eu gwaith yn rithiol.  

Dyma gyfres o bosteri sy'n cynnwys geirfa allweddol dwyieithog i gefnogi'r cwrs Iechyd a Gofal  Cymdeithasol: Craidd Lefel 2. Mae'r geirfa wedi eu grwpio i gyfateb â lefel sgiliau iaith y dysgwr. Mae poster geirfa unigol ar gyfer y 7 uned: Uned 1: Egwyddorion a gwerthoedd iechyd a gofal cymdeithasol (oedolion)) Uned 2: Egwyddorion a gwerthoedd iechyd a gofal cymdeithasol (plant a phobl ifanc) Uned 3: Iechyd a llesiant (oedolion) Uned 4: Iechyd a llesiant (plant a phobl ifanc) Uned 5: Ymarfer proffesiynol fel gweithiwr iechyd a gofal cymdeithasol Uned 6: Diogelu unigolion Uned 7: Iechyd a diogelwch mewn iechyd a gofal cymdeithasol

Cynhadledd ar gyfer myfyrwyr addysg, gofal plant a gwasanaethau plant a phobl ifanc mewn prifysgolion a cholegau addysg bellach. Bydd y gynhadledd yn trafod bywyd plant Cymru gan gynnwys: effaith Covid-19 ar blant, hiliaeth, a'r system eiriolaeth. Ceir hefyd gyflwyniad gan Gomisiynydd Plant Cymru, Sally Holland. Cynhaliwyd y gynhadledd ar 24 Chwefror 2021. Cliciwch isod i wylio recordiadau o'r cyflwyniadau:

Gwefan sy'n cynnwys fideos a chyfarwyddiadau ysgrifenedig ar sut i gynnal asesiadau ffitrwydd sy'n gysylltiedig ag iechyd, yn unol â Chanllawiau ACSM. Bydd yr adnodd yn ddefnyddiol hyd at lefel 4 yn gyffredinol. Nod yr adnodd hwn yw darparu cyngor ac arweiniad ar gynnal sgrinio iechyd cychwynnol ac asesiadau ffitrwydd, yn unol â phrotocolau ACSM. Mae fideo sy'n egluro ac yn dangos y protocol yn ogystal â dogfen ategol yn dangos y protocol mewn fformat ysgrifenedig ar gyfer bob un o'r agweddau canlynol: Sgrinio iechyd Cyfarwyddiadau i'r cyfranogwyr Mesur pwysau gwaed Mesur cyflymder y galon wrth orffwys Mynegai mass y corff (BMI) Cwmpas y wasg a'r cluniau Ffitrwydd cardio anadlol Cryfder yr afael Gwasgu byrfraich Prawf eistedd ac ymestyn Mae dolen i'r wefan isod:

Cafodd yr adnodd ei greu ar gyfer myfyrwyr Gwyddorau Meddygol Lefel 3 ond mae’r wybodaeth yn berthnasol i unrhyw fyfyriwr sy’n astudio bioleg ar lefel 3 megis Iechyd a Gofal neu Safon Uwch. Mae’n canolbwyntio ar rannau’r gelliben a sut mae elfennau yn symud i mewn ac allan o gelloedd. O fewn y cyflwyniad mae gweithgareddau i wirio eich dysgu. Addaswyd yr adnodd gan Coleg Cymraeg Cenedlaethol. Diolch i Goleg Sir Gâr am rannu'r cynnwys gwreiddiol. 

Adnodd sy’n uwcholeuo mathau o gyfathrebu ym maes Iechyd a Gofal Cymdeithasol yw hwn.  Mae’r adnodd yn berthnasol i fyfyrwyr sy’n astudio cyrsiau lefel 3 yn y maes megis Egwyddorion a Chyd-Destunau neu Safon Uwch. Oherwydd ei fod yn bwnc cyffredin, gall y wybodaeth yma fod yn ddefnyddiol i unrhyw fyfyriwr sy’n astudio yn y maes iechyd e.e. Therapi Galwedigaethol, Ffisiotherapi neu yn gweithio ym maes gofal cymdeithasol yn y gymuned. Addaswyd yr adnodd hwn gan y Coleg Cymraeg Cenedlaethol. Diolch i Grŵp Llandrillo Menai am rannu’r cynnwys gwreiddiol.  

Dyma gyfres o bosteri gan gwmni Sgiliaith ar gyfer tiwtoriaid mewn colegau ac aseswyr dysgu’n y gweithle. Maen nhw’n cynnig syniadau ar sut i ddechrau defnyddio a chyflwyno’r Gymraeg yn eich gwersi. Yn y gyfres mae posteri ar y canlynol: Taflen Cyfarchion Taflen Adborth Taflen Cwestiynau Syml Geirfa Dwyieithog i Diwtoriaid ac Aseswyr Dysgu’n y Gweithle Manteision Dwyieithrwydd Creu ethos dwyieithog yn y dosbarth Poster Adnoddau Defnyddiol Poster Dechrau Dwyieithogi Gwers

Bwriad cynllun Doctoriaid Yfory yw cefnogi dysgwyr sydd ym mlwyddyn gyntaf o'u hastudiaethau yn ein colegau Addysg Bellach, ac ym mlwyddyn 12 yn ein hysgolion, sy'n siarad Cymraeg ag sydd am ymgeisio i astudio Meddygaeth yn y brifysgol.  Mae'r cynllun yn cynnig cefnogaeth arbenigol gan aelodau o staff Prifysgol Caerdydd a Phrifysgol Abertawe sydd ynghlwm â'r broses ymgeisio.   Gyda chefnogaeth staff y prifysgolion bydd y gweithdai canlynol yn cael eu trefnu:  Mawrth: Cyflwyniad, Paned a Chlonc gyda Menai Evans, Sara Whittam, Sara Vaughan.  Ebrill: Profiad gwaith gyda Llinos Roberts  Mai: Cwricwlwm C21 gyda Rhian Goodfellow a Sut i Ddewis Cwrs gyda Myfyrwyr Meddygol Prifysgol Caerdydd  Mai: Astudio drwy gyfrwng y Gymraeg a’r ysgoloriaeth CCC gydag Awen Iorweth ac Alun Owens  Mehefin: Ysgrifennu Datganiad Personol  Gorffennaf: Llwybrau Amgen gydag Alwena Morgan a [Siwan Iorwerth a Ffraid Gwenllian TBC]  Medi: Speed Dating gyda meddygon proffesiynol!  Hydref: Sesiwn cwestiwn ac ateb Datganiad Personol Tachwedd: Ymarfer MMIs  Rhagfyr: Ymarfer MMIs   

Dyma weithdy i'ch rhoi chi ar ben ffordd wrth ddefnyddio gwefan Mentimeter yn hyderus yn eich addysgu fel ffordd o ymgysylltu a'ch myfyrwyr.  www.mentimeter.com Bydd y gweithdy hwn o fudd i unrhyw un sydd am ddatblygu ac adeiladu ar ddulliau addysgu ar-lein, dysgu arloesol, cyflwyno ar-lein ac ymgysylltu gyda myfyrwyr.  Cefndir Hyfforddwr: Mae'r sesiwn hon yn cael ei harwain gan Dyddgu Hywel. Astudiodd Dyddgu gwrs ‘BSc (Anrh.) Dylunio a Thechnoleg Addysg Uwchradd yn arwain at Statws Athro Cymwysedig’ ym Mhrifysgol Bangor, graddiodd gyda gradd dosbarth cyntaf.  Bu’n ddarlithydd a thiwtor pwnc Dylunio a Thechnoleg Lefel A yng Ngholeg Meirion Dwyfor, cyn cael ei phenodi’n athrawes Dylunio a Thechnoleg yn Ysgol Gyfun Rhydywaun.  Mae wrth ei bodd yn gweithio fel uwch ddarlithydd Addysg ym Mhrifysgol Metropolitan Caerdydd erbyn hyn, ac yno ers dros saith mlynedd bellach, gyda’i arbenigedd mewn defnydd effeithiol o ddulliau addysgu, ymgysylltu a myfyrwyr a’r defnydd o dechnoleg.

Adnodd yw hwn sy'n cyflwyno cydrannau diet cytbwys. Mae wedi ei anelu at staff a dysgwyr ar gyrsiau Iechyd a Gofal Cymdeithasol. Mae'r adnodd dwyieithog hwn yn cyflwyno gwybodaeth ac yn rhoi cyfle i ddefnyddwyr i wirio dysgu wrth weithio drwy'r cynnwys. Mae'n trafod y rôl mae gwahanol faetholion yn eu chwarae mewn diet. Mae hefyd yn ymdrin â'r Gyfradd Fetabolig Waelodol, Mynegai Màs y Corff ac yn helpu'r dysgwr i greu cynllun maeth ar gyfer unigolion. Addaswyd yr adnodd hwn gan y Coleg Cymraeg Cenedlaethol. Diolch i Goleg Sir Benfro am rannu’r cynnwys gwreiddiol.

Cynhadledd ar-lein ar gyfer myfyrwyr is-raddedig ac ôl-raddedig, neu unrhyw un sydd â diddordeb yn y maes, a gynhaliwyd ar 4 Mawrth 2021. Roedd y gynhadledd yn trafod gwahanol agweddau o'r Gyfraith yng Nghymru heddiw. Cafwyd gair o groeso gan yr Arglwydd Lloyd-Jones, Ynad yng Ngoruchaf Lys y Deyrnas Unedig a chyflwyniad gyda sesiwn cwestiwn ac ateb gan Jeremy Miles AS, Cwnsler Cyffredinol Cymru. Yn ogystal â hyn, cafwyd panel galwedigaethol gan ddwy gyfreithwraig broffesiynol a hefyd trafodaeth lle gofynnwyd am farn myfyrwyr ar ddysgu'r Gyfraith a Throseddeg drwy gyfrwng y Gymraeg yn ein prifysgolion. Cliciwch isod i wylio recordiadau o'r gynhadledd: