Anatomeg a Ffisioleg (L3): sesiynau dysgu cyfunol 30 o sesiynau dysgu cyfunol ar Anatomeg a Ffisioleg ar gyfer dysgwyr sy’n astudio cwrs Chwaraeon (lefel 3). Mae modd gweld y sesiynau yn eich porwr drwy ddilyn y dolenni isod. Mae hefyd modd i golegau lawrlwytho'r cynnwys er mwyn eu gosod o fewn eu llwyfannau dysgu lleol. Mae ffeil zip yma yn cynnwys y ffeiliau SCORM ar gyfer yr holl unedau. Mae cynnwys y sesiynau hyn yn ddwyieithog, ond dim ond yn Gymraeg mae modd ateb y cwestiynau.  Hawlfraint Heart of Worcestershire College ar ran The Blended Learning Consortium a’r Coleg Cymraeg Cenedlaethol. Mae’r adnoddau hyn i gael eu defnyddio mewn sefydliadau addysgiadol yn unig ac ni ddylid eu haddasu na’u hailwerthu.  

Catalog o’r holl baentiadau a cherfluniau yng nghasgliadau Adran Celf Amgueddfa Cymru, a’r gweithiau ar fenthyciad tymor hir o Ymddiriedolaeth Derek Williams. Hefyd yn rhan o’r casgliad mae tua tri deg mil o ddarluniau, lluniau dyfrlliw, printiau a ffotograffau a tua un fil ar ddeg o weithiau celf gymwysedig.

Gweithdy gan Dr Gwawr Ifan, sy'n annog addysgwyr i ystyried amrywiol ffyrdd o fynd ati i werthuso eu haddysgu, ymarfer hollbwysig sy’n rhan greiddiol o ddatblygiad addysgwyr newydd a phrofiadol fel ei gilydd. Mae Gwawr Ifan yn ddarlithydd mewn cerddoreg yn Ysgol Cerddoriaeth a’r Cyfryngau, Prifysgol Bangor.  Dechreuodd ei gyrfa fel darlithydd i’r Coleg Cymraeg Cenedlaethol ar ôl derbyn un o ysgoloriaethau cyntaf y Coleg.  Mae ei diddordebau ymchwil yn canolbwyntio ar gerddoriaeth mewn iechyd a lles, ac mae ganddi brofiad helaeth o addysgu myfyrwyr ar lefel isradd ac ôl-radd. Os hoffech drafod unrhyw faterion yn ymwneud gyda gwerthuso addysgu, mae croeso i chi gysylltu gyda mi dros e-bost am sgwrs bellach: g.ifan@bangor.ac.uk

Adnodd gan Gyrfa Cymru i ddysgwyr 11-19 i gael cyfle i ganfod pa fath o bersonoliaeth sydd gennych a pha swyddi allai fod yn gweddu i chi

Mae mathemateg.com a ddatblygwyd gan Dr Gareth Evans yn cynnwys llond trol o adnoddau ar gyfer astudio mathemateg o flwyddyn 7 i flwyddyn 13. Defnyddiwch y ddewislen ar dop y dudalen i lywio'r safle. Cliciwch "Mewngofnodi fel ymwelydd" i gael mynediad i unrhyw gwrs. Ar y safle cewch lawrlwytho pecynnau gwaith, wylio fideos adolygu, ceisio cwisiau adolygu neu geisio hen bapurau arholiad.

Adnoddau gan Gyrfa Cymru i helpu dysgwyr blwyddyn 11 i ddeall beth yw eich opsiynau dysgu ôl-16. 

Mae'r adnoddau digidol ar wefan dysguiechydagofal.cymru  yn cefnogi dysgu yn y sectorau: Iechyd a Gofal Cymdeithasol  Gofal Plant O fis Medi 2019 City & Guilds / CBAC fydd unig ddarparwr cyfres newydd o gymwysterau Iechyd a Gofal Cymdeithasol, a Gofal Plant wedi'i hariannu yng Nghymru. Mae gan gwefan Dysgu a Iechyd Gofal Cymru cyfres o adnoddau digidol rhad ac am ddim i wella’r ffordd mae gwybodaeth yn cael ei gyflwyno sy’n sail i’r cymwysterau, ynghyd â’r canllawiau addysgu/cyflwyno, deunyddiau asesu a chanllawiau myfyrwyr sydd ar gael ar gyfer y rhan fwyaf o’r cymwysterau. Gallant gefnogi dysgu annibynnol drwy ddal sylw dysgwyr a’u cyfeirio at adnoddau eraill a allai fod yn ddefnyddiol iddyn nhw.

Bwletinau Gwybodaeth am Swyddi gan Gyrfa Cymru ar gyfer dysgwyr ac addysgwyr. 

Cyrsiau am ddim gan Learn My Way ar sut i ddefnyddio cyfrifiadur, pori'r we, anfon e-bost a dod o hyd i swydd ar-lein ar gyfer dysgwyr sydd â sgiliau sylfaenol.    Cyrsiau megis: Defnyddio'ch cyfrifiadur neu ddyfais Diogelwch ar-lein Hanfodion ar-lein Rhaglenni Swyddfa Gwella'ch iechyd ar-lein Rheoli'ch arian ar-lein

Mae gwefan y Porth Adnoddau yn cynnig un lle canolog i rannu ystod eang o adnoddau cyfrwng Cymraeg ar gyfer y sectorau Ôl-16 a Galwedigaethol ac Addysg Uwch. Isod, ceir fideos yn cyflwyno beth yw'r Porth a sut i'w ddefnyddio.  Ceir hefyd ddolen i ffurflen ar gyfer ychwanegu adnodd newydd i'r Porth a chanllawiau manwl ar sut i'w llenwi. 

Dyma wefan rhyngweithiol sy'n gyflwyniad i ysgrifennu newyddiadurol. Mae'r adnodd ar gyfer myfyrwyr newyddiaduraeth ac unrhyw un sydd â diddordeb mewn ysgrifennu stori dda. Mae yma ganllaw ar sut i ysgrifennu ar gyfer papurau newydd, radio, teledu, ar-lein ac ar gyfer y cyfryngau cymdeithasol yn ogystal â chyflwyniad i'r hyn sy'n dylanwadu ar benderfyniadau golygyddol newyddiadurwyr a'u golygyddion.  Mae'n cynnwys fideos, cwis ac ymarferion ar-lein. Mae'r adnodd yma yn un o dri a chyrhaeddodd y rhestr fer yn 2020 ar gyfer gwobrau'r Coleg Cymraeg Cenedlaethol am greu Adnodd Cyfrwng Cymraeg.

Mae’r wefan yma’n cynnwys cyflwyniad ar sut y gellir defnyddio swigod er mwyn datrys problem fathemategol mewn optimeiddiaeth, a adnabyddir fel Problem Steiner. Yn y broblem hon, y nod yw ceisio darganfod y ffordd byrraf o gysylltu n pwynt (all ddynodi dinasoedd neu drefi er enghraifft) ar y plân gyda’i gilydd. Er mwyn datrys y broblem yma, byddwn yn gwneud cysylltiadau â’r broblem o ddarganfod arwynebau minimol (e.e. gan ddefnyddio swigod). Mae’r wefan yn cynnwys dau set o ymarferion, y naill wedi’i anelu at ddysgwyr ym mlynyddoedd 10-11 a’r llall yn addas ar gyfer dysgwyr ym mlynyddoedd 12-13. Mae’r set cyntaf o ymarferion yn cynnwys cyfrifiadau geometreg (ac yn bennaf trigonometreg), tra bod yr ail set hefyd yn cynnwys problemau sy’n ymwneud â darganfod terfannau a differu.